കോഴിക്കോട്: അഖിലേന്ത്യ സുന്നി ജംഇയ്യത്തുല്‍ ഉലമ ജനറല്‍ സെക്രട്ടറി കാന്തപുരം എ.പി അബൂബക്കര്‍ മുസ് ലിയാര്‍ ഫേസ്ബുക് പേജ് ആരംഭിച്ചു. ചൊവ്വാഴ്ച രാവിലെ പതിനൊന്ന് മണിക്ക് പേജിന്‍െറ ഒൗദ്യോഗിക ഉദ്ഘാടനം മര്‍കസ് നോളജ് സിറ്റി സി.ഇ.ഒ ഡോ. അബ്ദുസലാം നിര്‍വഹിച്ചു. ശൈഖ് അബൂബക്കര്‍ അഹ്മദ് (facebook.com/SheikhAboobacker) എന്ന പേരിലാണ് പേജ് തുടങ്ങിയിരിക്കുന്നത്. പേജ് ഇതുവരെ 38,000ലധികം പേര്‍ ലൈക്ക് ചെയ്തു.
ലോകത്തിലെ ഏറ്റവും സ്വാധീനമുള്ള 500 മുസ് ലിംകളില്‍ ഒരാളാണെന്ന് കാന്തപുരത്തെ പേജില്‍ പരിചയപ്പെടുത്തുന്നു. ഇംഗ്ളീഷിലാണ് പേജിലെ പോസ്റ്റുകളെല്ലാം. ഈ പേജിലൂടെ പുരോഗനാത്മകവും പോസിറ്റീവുമായ പ്രവര്‍ത്തനങ്ങളുമായി ലോകം മുഴുവനുമുള്ള ജനങ്ങളിലേക്ക് എത്താനാണ് ഉദ്ദേശിക്കുന്നതെന്ന് കാന്തപുരം ഫേസ്ബുക് പേജില്‍ കുറിച്ചു. ഇപ്പോള്‍ ചെയ്തുകൊണ്ടിരിക്കുന്ന മാനുഷികവും വിദ്യാഭ്യാസപരവുമായ പ്രവര്‍ത്തനങ്ങള്‍ക്ക് ഇത് തീര്‍ച്ചയായും കരുത്തുപകരുമെന്നും കാന്തപുരം പറഞ്ഞു.
(courtesy:madhyamam)വായന കഴിഞ്ഞോ ? എങ്കില്‍ ഒരു കമന്റ്‌ ഇടൂ; നിങ്ങളുടെ കമന്റ്‌ ആണ് എന്റെയും മറ്റുള്ളവരുടെയും വായനക്കും/പോസ്ടിങ്ങിനും ഉള്ള ഉത്സാഹം!!
1 comment:
best wishes
Post a Comment