അറഫാ നോമ്പ്!!

അറഫ എന്ന പദത്തിന്റെ അർത്ഥം അറിഞ്ഞുവെന്നാണ് ദുൽഹിജ്ജഃ ഒമ്പതാണ് അറഫാ ദിനം. അന്നാണ് സുന്നത്തായ അറഫാ നോമ്പ്. അറഫ എന്ന പേർ ലഭിക്കാൻ പല കാരണങ്ങളും ഇമാമുകൾ രേഖപ്പെടുത്തിയിട്ടുണ്ട്.

   

ആദം നബി(അ) ഭൂമിയിലിറങ്ങിയതു ഇന്ത്യാ രാജ്യത്താണ്. ബീവി ഹവ്വാ (റ) ജിദ്ദയിലും. അങ്ങനെ അവർ പരസ്പരം അന്വേഷിച്ചു നടന്നു. ഒടുവിൽ അവർ അറഫയിൽ വെച്ചു കണ്ടുമുട്ടി. അതോടെ ആ ദിവസത്തിനു അറഫ എന്ന പേർ വന്നുവെന്ന് ചിലർ രേഖപ്പെടുത്തിയിട്ടുണ്ട്.

   

അറഫാ നോമ്പ് രണ്ടു വർഷത്തെ ദോഷങ്ങളെ പൊറുപ്പിക്കുന്നതാണെന്നു നബി(സ്വ) പറഞ്ഞിട്ടുണ്ട്. താൻ നിലകൊള്ളുന്ന വർഷത്തെയും വരാനിരിക്കുന്ന വർഷത്തെയും പാപങ്ങളെയാണ് പൊറുപ്പിക്കുക.

      

ഇബ്നു അബ്ബാസ്(റ) പറയുന്നു: ഈ ഓഫർ അറഫാ നോമ്പനുഷ്ഠിക്കുന്നവനു ഒരു വർഷം കൂടെ ആയുസ്സുണ്ടെന്നറിയിക്കുന്നതാണ്. കാരണം വരാനിരിക്കുന്ന വർഷത്തെ പാപങ്ങളെ പൊറുപ്പിക്കണമെങ്കിൽ ആ വർഷം അവൻ ജീവിച്ചിരിക്കണമല്ലോ.

   

ദുൽഹിജ്ജഃ ഒമ്പത് നമുക്ക് എന്നാണോ അന്നാണ് അറഫാ നോമ്പ് സുന്നത്ത്. അറഫയിൽ ഹാജിമാർ നിൽക്കുമ്പോൾ നമുക്ക് പല വർഷങ്ങളിലും ദുൽഹിജ്ജഃ എട്ടായിരിക്കും.

    

മക്കയിൽ എന്നാണോ അറഫ: അന്നാണു നാം അറഫ നോമ്പ് അനുഷ്ഠിക്കേണ്ടതെന്ന ചില പുത്തൻ വാദികളുടെ വാദം അടിസ്ഥാന രഹിതവും ചിരിക്ക് വക നൽകുന്നതുമാണ്.

     

ഹജ്ജിന്റെ കർമ്മവുമായി ബന്ധപ്പെടാത്തവർക്ക് അറഫാ നോമ്പ് സുന്നത്താണ്. ദുൽഹിജ്ജഃ എട്ടിനു നോമ്പനുഷ്ഠിക്കലും സുന്നത്തുണ്ട്. യഥാർത്ഥത്തിൽ ദുൽഹിജ്ജഃ ഒമ്പത് (അറഫാ നോമ്പ്) അന്നായാലോ എന്ന സൂക്ഷ്മത പരിഗണിച്ചാണീ സുന്നത്ത്. ദുൽഹിജ്ജഃ ആദ്യത്തെ ഒമ്പതു ദിവസവും നോമ്പനുഷ്ഠിക്കൽ സുന്നത്തുണ്ട് (തുഹ്ഫ: 3/454).

*ആയിരം വർഷത്തെ നോമ്പ്*

    

ബീവി ആഇശാ(റ)യിൽ നിന്നു നിവേദനം: നബി(സ്വ) പറഞ്ഞു: അറഫാ ദിനത്തിലെ (ദുൽഹിജ്ജ 9) നോമ്പ് ആയിരം കൊല്ലത്തെ നോമ്പിനു തുല്യമാകുന്നു (ബൈഹഖി).

*അറഫാ പകലിന്റെ പുണ്യം*

      

ജാബിർ(റ) വിൽ നിന്നു നിവേദനം: നബി(സ്വ) പറഞ്ഞു: നരകത്തിൽ നിന്നു കൂടുതൽ പേരെ മോചിപ്പിക്കുന്ന ദിനമാണ് അറഫാ ദിനം (ബസ്സാർ).

    

ത്വൽഹതുബ്നു ഉബൈദില്ലാ(റ) വിൽ നിന്നു നിവേദനം: പിശാച് കൂടുതൽ നിസാരനും അപമാനിതനും കോപം നിറഞ്ഞവനുമാകുന്നത് അറഫാ നാളാണ്. അല്ലാഹുവിന്റെ കാരുണ്യം അവതരിക്കുന്നതും വൻപാപങ്ങൾ മാപ്പാക്കുന്നതും കാണുന്നതിലാണ് അവൻ ഇങ്ങനെ കോപിക്കുന്നത്. ബദ്റിൽ ജിബ്‌രീലി(അ)നെ കണ്ട അനുഭവമാകും പിശാചിനന്ന് (ബൈഹഖി, മാലിക്).

എം.എ.ജലീൽ സഖാഫി പുല്ലാര

നാളെ മീസാനിൽ നന്മ ഭാരം കൂടാൻ വേണ്ടിയെങ്കിലും നിങ്ങളോട് ബന്ധപ്പെട്ടവർക്കും, നിങ്ങളുള്ള മറ്റു ഗ്രൂപ്പിലേക്കും ഈ അറിവ് ഫോർവേർഡ് ചെയ്ത് കൊടുക്കുക..

അറിയാനും, പഠിക്കാനും, അതിനനുസരിച്ചു പ്രവർത്തിക്കാനും അല്ലാഹു നമുക്ക് തൗഫീഖ് നൽകട്ടെ... ആമീൻ

*صَلَّى اللّٰه عَلَى مُحَمَّدْ صَلَّى اللَّهُ  عَلَيْهِ وَسَلَّمْ*

*صَلَّى اللّٰه عَلَى مُحَمَّدْ صَلَّى اللَّهُ  عَلَيْهِ وَسَلَّمْ*

*اَللّٰهُمَّ صَلِّ عَلَى مُحَمَّدْ يٰارَبِّ صَلِّ عَلَيْهِ وَسَلِّمْ*

ദുആ വസിയ്യത്തോടെ....