നബി(സ)യുടെ ശിഷ്യരിലൊരാൾ ഒരു ദീർഘയാത്ര കഴിഞ്ഞു മടങ്ങുകയായിരുന്നു.
രാത്രിയോടെ വിജനമായ ഒരു മരു പ്രദേശത്ത് എത്തിയ അദ്ദേഹം തല്കാലം അല്പം വിശ്രമിച്ച ശേഷം യാത്ര തുടരാമെന്നു കരുതി, കൈവശമുണ്ടായിരുന്ന കയറും പായയും കൊണ്ട് ഒരു താല്കാലിക വിശ്രമ മുറി ഒരുക്കി.
കിടക്കേണ്ട താമസം, ക്ഷീണാധിക്യം മൂലം അദ്ദേഹം പെട്ടെന്ന് ഉറങ്ങിപ്പോയി.
ഇടയ്ക്കെപ്പോഴോ കണ്ണുതുറന്ന അദ്ദേഹത്തിന് കേൾക്കാൻ കഴിഞ്ഞത് പരിശുദ്ധ ഖുർആനിലെ സൂറതുൽ മുൽകിന്റെ (തബാറക) അതീവ ഹൃദ്യമായ പാരായണ മാണ്. അദ്ദേഹം ചുറ്റും നോക്കി. ആരെയും കാണുന്നില്ല. ചെവി വട്ടം പിടിച്ച് അദ്ദേഹം വീണ്ടും ശ്രദ്ധിച്ചു. അപ്പോഴാണ് അദ്ദേഹത്തിനു മനസ്സിലായത്, ആ കേട്ടത് താൻ കിടക്കാൻ വിരിച്ച വിരിപ്പിന്റെ അടിഭാഗത്ത് നിന്നാണെന്ന്!
ഉടനെയദ്ദേഹം വിരിപ്പു മാറ്റി പരിശോധിച്ചു. ആ കാഴ്ച്ച കണ്ട് അദ്ദേഹം ഞെട്ടി. താൻ ഒരുക്കിയ വിശ്രമ മുറി ഒരു പഴയ ഖബ്റിനു മുകളിലാണ്! ആ ഖബറിൽ നിന്നാണ് താൻ കേട്ട ഖുർആൻ പാരായണം ഒഴുകി വരുന്നത്!!
അതു തിരിച്ചറിഞ്ഞ അദ്ദേഹം ഒട്ടും സമയം കളയാതെ തന്റെ ഒട്ടകപ്പുറത്തു കയറി നേരെ മുത്ത് നബി(സ)യുടെ അരികിലെത്തി ഉണ്ടായ സംഭവങ്ങൾ വിവരിച്ചു.
അപ്പോൾ നബി(സ) പറഞ്ഞു: ആ ഖബ്റിലുള്ള മനുഷ്യൻ തന്റെ ജീവിതത്തിൽ സൂറതുൽ മുൽക് മുടങ്ങാതെ പാരായണം ചെയ്യുന്ന ആളായിരുന്നു. ആരെങ്കിലും ആ സൂറത് പതിവായി ഓതിവന്നാൽ ആരാരും സഹായിക്കാനില്ലാത്ത ഖബറിലെ ഇരുട്ടിൽ അതവന് വെളിച്ചമായി വരും; മാത്രവുമല്ല, ഖബ്റിലെ എല്ലാ പ്രയാസഘട്ടങ്ങളിൽ നിന്നും ആ സൂറത്ത് അവനെ രക്ഷിക്കും.
എന്തിനേറെ തന്നെ ചോദ്യം ചെയ്യാൻ വരുന്ന മുന്കർ -നകീർ മലക്കുകളോടു പോലും പ്രസ്തുത സൂറത് പറയും "ഇത് എന്റെ ആളാണ്; നിങ്ങൾക്ക് ചോദ്യം ചെയ്യാൻ ഇയാളെ ഞാൻ വിട്ടുതരില്ല" എന്ന്.
അവസാനം മലകുകൾ പിൻവാങ്ങും. പിന്നെ വിചാരണ നാളിൽ അള്ളാഹുവോടു ശുപാർശ ചെയ്ത് സ്വർഗം വാങ്ങിക്കൊടുക്കുകയും ചെയ്യും..!
സഹോദരാ/സഹോദരീ,
നാമൊക്കെ ഇന്നല്ലെങ്കിൽ നാളെ മരിക്കും. ക്ഷണികമായ ദുനിയാവിൽ മണിക്കൂറുകൾ ഫേസ് ബുക്കിലും വാട്സാപിലും യുറ്റൂബിലും നാം ചെലവഴിക്കുന്നു. ഇത്രയും മഹത്വം നിറഞ്ഞ ഈ സൂറത് ഓതാൻ ആകെ വേണ്ടത് രണ്ടോ മൂന്നോ മിനുട്ടു മാത്രം!
നമ്മുടെ ഖബ്റിൽ ഇരുട്ടു നീക്കി വെളിച്ചം നിറയ്ക്കാൻ ദിവസവും വെറുതെ കളയുന്ന മണിക്കൂറുകളിൽ നിന്ന് രണ്ടോ മൂന്നോ മിനുട്ട് മാറ്റിവച്ചുകൂടേ?
പടച്ചവൻ സാധിപ്പിക്കട്ടേ..
🍒🍒🍒🍒🍒🍒🍒🍒🍒
പണ്ടുകാലങളിൽ വീടുകളിൽനിന്നും കൂറ്ആൻ പാരായണവും സ്വലാത്തും പതിവു തെറ്റാതെ കേൾകാറുണ്ട് പക്ഷേ ഇപ്പോൾ സീരിയലും മറ്റും വന്ന് നമ്മുടെ പഠിവാതിൽകൽ എത്തി നോകുന്നു,,,നമസ്കാരവും കുർആൻ പാരായണവും,,,,തെറ്റാതെ പതിവ് പോലെ നിർവഹികാൻ സർവശക്തൻ നമ്മേ തുണകട്ടെ,,,,,,,നമ്മുടെ വളർന്ന് വരുന്ന തലമുറ കൾക്ക് പകർത്തി കൊടുകുന്നത് നാം ആണല്ലോ,,,,,,,,,,,,,
വായന കഴിഞ്ഞോ ? എങ്കില്‍ ഒരു കമന്റ്‌ ഇടൂ; നിങ്ങളുടെ കമന്റ്‌ ആണ് എന്റെയും മറ്റുള്ളവരുടെയും വായനക്കും/പോസ്ടിങ്ങിനും ഉള്ള ഉത്സാഹം!!
No comments:
Post a Comment